Սեբաստիեն Կուրիվո

Սեբաստիեն Կուրիվո
Ծնվել է	հուլիսի 28, 1968 (56 տարեկան)
Ծննդավայր	Շամպինյի սյուր Մառն
Քաղաքացիություն	Ֆրանսիա
Մասնագիտություն	դերասան
	sebastiencourivaud.com

Սեբաստիեն Կուրիվո (ֆր.՝ Sébastien Courivaud, հուլիսի 28, 1968(1968-07-28), Շամպինյի սյուր Մառն), ֆրանսիացի դերասան, հայտնի է «Հելենն ու երեխաները» (ֆր.՝ Hélène et les garçons) հեռուստասերիալի շնորհիվ։

Կենսագրություն

Ծնվել է Վալ-դը-Մարն դեպարտամենտի Շամպինի-Սյուր-Մարն կոմունայում։ Լինելով ստեղծագործ ընտանիքի անդամ՝ Սեբաստիենը ցանկացել է դառնալ դերասան։ Նրա մայրը նկարչուհի է, հայրը՝ երգչախմբի երգիչ, տատը՝ ջութակահար է, իսկ մյուս տատը՝ դաշնակահարուհի։ 10 տարեկանից նա նվագել է դաշնամուր, սակայն նախընտրել է թատրոնը։ Ավարտական քննություններից հետո Սեբաստիենը մեկնել է Սան Ֆրանցիսկո, որտեղ շարունակել է կրթությունը՝ հաճախելով դրամատիկական արվեստի դասընթացների^[1]։ 2004-2006 թվականներին ամուսնացած է եղել Վիրժինիա Կարենի հետ, ով կատարել է Ալինայի դերը «Հելենը և երեխաները» հեռուստասերիալում։ 2001 թվականին ծնվել է նրանց դուստրը՝ Լունան^[2]^[3].։

Հոբբի և հետաքրքրություններ

Սեբաստիենի խոսքերով նրա հոբբին դաշնամուրն ու լուսանկարչությունն է։ Սիրելի զբաղմունքը՝ ճանապարհորդությունը։ Սիրելի ուտեստը ոսպով աղցանն է, որը նա կարողանում է պատրաստել։ Սիրում է կարդալ։ Քաղաքներից նախընտրում է Փարիզը^[4]։

Հետաքրքիր փաստեր

Սիրային կապի մեջ է Լալի Մենյանի և Լորա Գիբերի հետ։
Չնայած նրան, որ նա «Հելենը և երեխաները» ու «Սիրո երազները» հեռուստասերիալներում կատարում է բաս կիթառահարի դեր, այնուամենայնիվ նա նվագել չգիտի։ Կուրիվոյի խոսքերով նրա ռիթմի մեջ ընկնելու կարողությունը, օգնել է նրան նվագել դաշնամուր։
Եթե կյանքը այլ կերպ դասավորվեր, ապա Կուրիվոն կցանկանար դառնալ դաշնակահար։

Ֆիլմագրություն

1992-1994 - «Հելենը և Երեխաները» (ֆր.՝ Hélène et les garçons) (Հեռուստասերիալ) - Սեբաստիեն
1994-1996 - «Սիրո երազները» (ֆր.՝ Le Miracle de l'amour) (Հեռուստասերիալ) - Սեբաստիեն
1996 - «Կրքերի դպրոց» (ֆր.՝ L'École des passions) (Հեռուստասերիալ) - Ռեմի Ֆերան
1997 - «Արտիստների ստուդիա» (ֆր.՝ Studio des artistes) (Հեռուստասերիալ) - Ռեմի Ֆերան
2003-2004 - «Սիրո արձակուրդ» (ֆր.՝ Les Vacances de l'amour) (Հեռուստասերիալ) - Երկու սերիա (119 և 150) - Սեբաստիեն
2005-2008 - SOS 18 (Հեռուստասերիալ) - Տիտրերում նշված է որպես Սեբաստիեն Մարկո
2008 - «Մահացու ճշմարտություն» (ֆր.՝ Vérités assassines) (Հեռուստասերիալ) - Տիտրերում նշված է որպես Սեբաստիեն Մարկո
2008-2009 - «Երկրորդ շանս» (ֆր.՝ Seconde chance) (Հեռուստասերիալ) - Մարկ Բրոման
2010 - «Երեխա իմ 40 ամյակում» (ֆր.՝ Un bébé pour mes 40 ans) (Հեռուստաֆիլմ) - Սեբաստիեն
2013 - «Սիրո գաղտնիքները» (ֆր.՝ Les Mystères de l'amour) (Հեռուստասերիալ) - (3-րդ եթերաշրջանի 25 ը 26 սերիաներ) - Սեբաստիեն

Ծանոթագրություններ

↑ AnnuSéries Encyclopédie des personnalités
↑ Հարցազրույց Սեբաստիան Կուրիվոյի հետ
↑ «Կուրիվոների ընտանիքը — 28/03/2011». Արխիվացված է օրիգինալից 2016 թ․ մարտի 4-ին. Վերցված է 2016 թ․ օգոստոսի 1-ին.
↑ Հարցազրույց Սեբաստիեն Կուրիվոյի հետ, մաս 2

Արտաքին հղումներ

http://www.sebastiencourivaud.com/Site_Officiel/Home.html Արխիվացված 2010-09-28 Wayback Machine

[1] AnnuSéries Encyclopédie des personnalités

[2] Հարցազրույց Սեբաստիան Կուրիվոյի հետ

[3] «Կուրիվոների ընտանիքը — 28/03/2011». Արխիվացված է օրիգինալից 2016 թ․ մարտի 4-ին. Վերցված է 2016 թ․ օգոստոսի 1-ին.

[4] Հարցազրույց Սեբաստիեն Կուրիվոյի հետ, մաս 2

[1]

[2]

[3]

[4]